14 சிறுவர்கள் நேற்றிரவு திடீரென சீர்திருத்தப்பள்ளியில் இருந்து தப்பி ஓட்டம்!!!!!

prison

சென்னை புரசைவாக்கத்தில் உள்ள சிறுவர் சீர்திருத்தப் பள்ளியில் இருந்து 14 சிறுவர்கள் நேற்று நள்ளிரவில் தப்பி ஓடினர்.

தமிழகத்தின் பல்வேறு பகுதியில் இருந்து குற்ற வழக்குகளில் சிக்கும் 18 வயதுக்கு உட்பட்ட சிறார்கள், சென்னை, புரசைவாக்கம் நெடுஞ்சாலையில் உள்ள சிறுவர் சீர்திருத்தப் பள்ளியில் அடைக்கப்படுவது வழக்கம். தற்போது 23 சிறார்கள் இந்த சீர்திருத்தப் பள்ளியில் அடைக்கப்பட்டிருந்தனர். இதில் 14 சிறுவர்கள் நேற்றிரவு திடீரென சீர்திருத்தப்பள்ளியில் இருந்து தப்பியோடி விட்டனர்.

இதுதொடர்பாக தலைமைச் செயலக காவல் நிலைய போலீசார் விசாரணை நடத்தி வருகின்றனர். மேலும் தப்பியோடிய சிறுவர்களின் சொந்த மாவட்டங்களுக்கு தகவல் அளிக்கப்பட்டுள்ளதாக போலீசார் தெரிவித்தனர்.